36-ischti Schwangerschafts-Woche

Jo, es het es neus Föteli geh!!!

Isch doch u härzig oder ?? Es isch wieder es Föteli vo de Siite ond mer gseht ganz düütlich di chlini Nase (wiso isch die eigentlich so chli? Mir sind doch beidi rächt guet bestöck...? ), s’Müli ond s’Chini. Es macht grad en Fisch noche mit em Muul!! :-) Es het au scho länschtens nömme s’ganze Baby platz uf em Föteli......es isch scho richtig „gross“ !

De Dökti het mir wieder alles zeiged: Vom Härzli wo fescht schloot öber d’Wirbelsüüli, d’Bloose und eifach alles! Ich glaub das mol het mer ganz düütlich gseh obs en Bueb oder es Maiteli git........de Dökti het nämlich einisch gseit: „So ond do gseht mer.........aber mir gönd do schnell verbiii“, ond er het grinsed!!
Ich als Leie bin leider oder au zom Glöck ned wörkli drus cho ond somit isch es immerno en Öberraschig för ois !!!!

Das Wörmli ligt also immer no richtig i mim Buch inne. Das heisst mit em Chopf gäge abe ond s’Födli streckts gäge ufe. Ond zom omdrölle heigis ganz sicher kei Platz meh! Jo es wird au wörkli langsam äng.........

Ich bin jetzt 73,5 Kilo schwer!!! D’Bluetwärt sind tip top ond Frochtwasser hets au no gnueg.

Am Donnschtig isch scho s’letschi mol Gebortsvorbereitigs-Kors ond d’Manne sind nomol debiii. Mir gönd go en Gebärsaal aluege ond wärded nomol öber ganz en huufe wichtigi Sache informiert.

I zwoi Woche isch scho wieder en Arzt – Bsuech aagseit............jetzt gohts wörkli nömme lang.............. :-)