De Afang Amene Friitig Morge Afangs November isch es gsi, won ich de Schwanger- schaftstescht gmacht han ond for froid ond angscht fasch es Härz-chriesi gha han!! Ich han mir das immer so romantisch vorgstellt, wenn ich den im René mol säge das mir es Baby öberchömed........aber romanschtisch isch das gar ned gsi!! Ich bin i einere Ufregig wieder is Bett ond han mich an mis Tschäzuli ane Kuscheled.....mis Härz het so fescht klopfed das es fasch usegommped wär. Tja, amene stinknormale Friitig morge im halbschlof het also de René erfahre, dass er Papi wird. Wahrschinlich het er sich das au chli andersch vorgeschtellt! Het öpper vo oich scho mol risigi Angscht ond totali Freud zoglich Empfonde ? Ich scho !! Ond dezue ane isch mir no himmeltruurig Schlächt gsi, vom Morge frühe bis Zobe spoot. Aber das isch jo zom Glöck nach doch "scho" 14 Woche verbii gsi ! De Körper verändered sich langsam , aber immer meh. Er muess sich druf iistelle, dass er jetzt es chlises Läbe döf versorge ond beschötze. So verändererd sich au de Bluetchreislauf bi mene wärdende Mami, ond zwar erhöht sich's gsammte Bluetvolume om 25% !! Konststöck bin ich so schnell müed, wenn min Körper so muess chrampfe! Au d Brüschst verändere sich......zor freud vo ois beidne.......jo si werded grösser !!!
|