.....ziit lauft onheimlich schnell........

Ersch no han i ganz fiini astupser gmerkt ond jetzt sinds scho
richtigi boxer! :-) Jo esch isch eifach es onbeschrieblichs
Erläbnis s'Baby z'gspühre. Mängisch, wenn i echli Gedold han,
den gsehn ich sogar wie sich min Buch bewegt ond komischi
Forme aanimmt. Wenn de René sini Hand uf min Buch leit ond
s'Baby so richtig fescht strampled chan ers au scho gspühre!

Natürchli gohn ich au regelmässig zom Frauearzt ond er isch voll ond
ganz z'friede mit ois Zwoi. Letscht mol han i gseh wie s'Härzli
schloot ond wie s'chline en Schluck vom Fruchtwasser gnoh het.
De chlini Zwirbel isch immer mega aktiv wenns om s'Fötele goht
ond strampled om d'Wett. Warschinlich git das mol en
Fotistar ! S'Baby isch jetzt scho om di 20cm gross ond zirka
750gr. schwer. S'Ghör isch scho sowit usbilded, das es
verschiedeni Tonfrequenze warnimmt ond sich dezue bewegt.
Do het de René natürlich bsonders froid .......

Obs en Bueb oder es Maiteli git wösse mir ned............ond
das isch au guet so!! :-)