..........scho wieder sind vier Woche verbii ond min Bsuech bim Frauedötkti
het einisch meh ergeh, dass alles in Ordnig isch!! Muess eifach wiiterhin
so Vitamintablette neh ond jetzt no zuesätzlich Magnesium.
Bin so mega froh ond dankbar, dass alles Palletti isch!

Ich han sit Aafangs Schwangerschaft bereits 5,5 Kilo zuegnoh ond sött
lut de Büecher jetzt no zirka 5 bis 6 Kilo zuelegge bis ändi Juni !
Min Buchomfang misst zor Ziit zimlich gnau 1 Meter .........han s gfühl,
dass min Buch vo Tag zo Tag grösser wird. (isch jo wahrschinlich au so)

Mit ere grössi vo zirka 32cm, vo de Füess bis zom Chopf, nimmt oise Nachwochs scho ganz vill Platz in Aspruch.
Weiss langsam aber sicher au nömme, wie das ich söll liegge ......ond nach stondelangem hin ond här drölle bin i ame froh, wenn i ändlich chan ufstoh ond go schaffe...... nor bin i den de Tag dor zimlich Teig.

So wie ich ghört han, stönd mir jetzt no di strängschte drüü Mönet bevor......uiuiuiui!!
Aber ich chan mich wörkli ned beklage, bis jetzt isch mir immer sehr guet gange, emel au fascht immer........ich hoffe das es mir wiiterhin so guet goht ond gib mir Mühe, im René ond oich allne ned zfescht uf d Närve z goh.......

Natürlich hets au wieder es neus Bildli geh vo oisem Bayber. Damol händ mir dänkt mir mache mol es Profil-Föteli......muess jo ned immer s gliche si oder ? Mer gseht also scho ganz dütlich de Nasespitz, s Aug, d Stirne ond
s Müli....härzig, gelle?